中國歷代疆域變化精簡圖 [前 2070 至 2014]

2017-12-24 16:42 315.2K

中國歷史如果由古代第一次成體系甲骨文或陶文嘅文字出現嘅[商朝]中期計起來約有3,300年;由考古學上第一個王朝[二里頭文化]計起約有3,700年;由[西周]文獻中傳說中嘅[夏朝]計起就有4,100年;由孔子所講嘅、有著[三皇五帝]嘅傳說時代計起來就有4,700年;由[盤古]、[上帝]、[女媧]等唔確定嘅神話時代計起來就有成「五千年」,呢啲都係傳統民間認知上嘅長度;由標誌著文明萌芽嘅[新石器時代][磁山文化]計起就有10,000年;由人類開始脫離原始生活嘅[舊石器時代][藍田猿人文化]計起就有80萬年嘅歷史。 中國成立前歷史朝代並稱 喺[中國]成立之前,各個朝代之中,有一啲朝代由於佢哋嘅相似性或者歷史上嘅連續性而畀人並列埋一齊,成為一個歷史嘅時期。 三皇五帝: 係傳說之中嘅[帝王]。由[三皇時代]到[五帝時代],稱為[傳說時代],喺夏朝之前。 陶唐、有虞: 唐虞,係古代[五帝]嘅其中兩個。係傳說中嘅兩個朝代。 夏后、殷商、周朝: 夏商周(三代)/商周,由神話時代到史實朝代,係最早有文字記錄嘅世襲分封制朝代。 春秋、戰國: 春秋戰國,喺諸侯國混戰嘅兩個時期。東周嘅前半期,諸侯爭相稱霸,持續咗二百幾年,稱為[春秋時代];東周嘅後半期,周天子地位漸失,亦持續咗二百幾年,稱為[戰國時代]。 先秦: 先秦時期,又稱先秦時代,係秦朝以前嘅歷史。 秦朝、西楚、漢朝: 秦漢,兩個最早嘅大統帝國時期。兩個朝代之間,間隔歷時4年嘅楚漢戰爭。 三國時期、西晉、東晉、五胡十六國、南北朝: 魏晉南北朝,又叫做(三國兩晉南北朝),係歷時369年嘅戰亂、遊牧民族內遷、漢人南遷、民族融合嘅時期。 曹魏(三國)、西晉、東晉(兩晉): 魏晉,又叫做(三國兩晉),係文化嘅發展時期。 十六國/東晉十六國: 呢個時期為西晉永嘉之亂以後,北方淪為胡族群雄逐鹿嘅地方,逐漸演變成主要嘅十六國;而南方就係晉室南渡之後建立嘅東晉政權,所以又合稱做[東晉十六國]。 六朝: 首都喺建康[東吳時稱建業]嘅東吳、東晉同埋南朝嘅宋、齊、梁、陳或者曹魏、晉朝同埋南朝嘅宋、齊、梁、陳。 隋朝、唐朝: 隋唐,係長期戰亂之後嘅大統帝國,之後又係[五代十國]嘅戰亂。兩個朝代相連,隋末唐初歷時14年嘅隋末民變戰亂。 唐朝、宋朝: 唐宋八大家,中華文化、經濟得到好大發展嘅兩個帝國時期。兩個朝代之間,間隔歷時53年嘅五代十國。 漢朝、唐朝: 兩個最強大嘅帝國時期。兩個朝代之間,間隔369年嘅魏晉南北朝同37年嘅隋朝。 五代、十國: 五代十國,係唐朝同宋朝之間分裂割據嘅時期。五代主要係中原一帶嘅中原王朝;十國就主要係長江流域一帶嘅割據政權。 宋朝、遼朝[西遼]、金朝、西夏: 宋遼金夏,呢個時期同兩宋並列而立嘅邊疆少族民族建立嘅政權。 宋朝、遼朝、金朝、元朝: 宋遼金元,係多民族嘅競爭時期,漢族嘅宋朝、契丹族嘅遼朝、女真族嘅金朝與蒙古族嘅元朝爭奪領土嘅時代。其中穿插西夏同大理等國。 宋朝、元朝: 宋元,係歷史上商業、文化同航海最為發達嘅兩個時期。 元朝、明朝、清朝: 元明清,三個朝代大多數時間都係以北京為首都嘅近代帝國。 明朝、清朝: 大明同大清,係建立共和之前最後嘅兩個帝國,都係以北京為首都,仲使用同一個皇城[紫禁城],建立同奠定現代嘅中國嘅疆域。 國共時期[民國、新中國]: 1912年之後成立嘅[中華民國]同1949年成立嘅[中華人民共和國]都係共和制,並非世襲家族統治,一般唔會被列入為朝代。廣義嘅朝代係指世襲家族、一家一姓統治嘅王朝,唔適用喺現有國家組成嘅政府,就係以憲法實行統治嘅政權為核心或者架構嘅中央體制。 歷史朝代歌訣 三皇五帝夏商周,春秋戰國爭崩頭。 秦滅六國始皇帝,楚河漢界鬥計謀。 大漢天子絲綢路,王莽篡漢新朝休。 光武中興傳獻帝,天下三分司馬收。 兩晉亂後南北朝,隋煬無道天下愁。 李唐一統天下歸,武氏君臨鳳昂頭。 開元天寶安史亂,五代十國各自走。 黃袍加身趙天子,遼金逼迫靖康羞。 南宋偏安遊人醉,元兵一到無路投。 宋帝潛逃香江內,跳崖身死宋全休。 中原淪喪外族手,八十九年恨怨仇。 元末群雄爭天下,朱明立國異族走。 靖難燕王篡皇位,西洋七下無厘頭。 黨爭宦禍民變起,叛臣開關迎清狗。 二次淪亡異族手,嘉定揚州無命留。 康熙雍正乾隆帝,十全武功無敵手。 強侵西藏與新疆,北伐南征為封侯。 嘉道中衰呈敗象,閉關鎖國廣州留。 虎門銷煙禁商貿,戰敗議和割地醜。 香港脫清歸英國,自此開埠佔鰲頭。 垂簾聽政慈禧後,洋務運動首開頭。 兩粵長毛反清帝,太平天國諸王鬥。 挪用軍費修庭園,甲午之役輸甩頭。 光緒維新圖奮發,百日未滿瀛臺囚。 庚子拳亂殺洋人,對外宣戰癲上頭。 粵不奉詔抗亂命,東南互保互握手。 列強紛至手無措,和約簽訂人低首。 腐敗無能民離棄,辛亥革命帝王休。 世界旅遊雜記

类别旅游和活动 分享 下载